MATHAVINTE RAKTHAKANNEER JAPAMALA മാതാവിന്‍റെ രക്തക്കണ്ണീര്‍ ജപമാല

                                              ക്രൂശിതനായ  എന്‍റെ  ഈശോയെ ! അങ്ങേ  തൃപ്പാദങ്ങളില്‍  സാഷ്ടാംഗം  വീണുകൊണ്ട്   കരുണാര്‍ദ്രമായ  സ്നേഹത്തോടെ കാല്‍വരിയിലേക്കുള്ള   വേദന  നിറഞ്ഞ   യാത്രയില്‍  അങ്ങേ  അനുഗമിച്ച  പരിശുദ്ധ  അമ്മയുടെ  രക്തകണ്ണുനീരിനെ  ഞങ്ങള്‍  അങ്ങേക്ക്  സമര്‍പ്പിക്കുന്നു . നല്ലവനായ  കര്‍ത്താവേ ,പരി . അമ്മയുടെ  രക്തം  കലര്‍ന്ന  കണ്ണുനീര്‍ത്തുള്ളികള്‍  തരുന്ന  സന്ദേശം  ശരിക്കു  മനസ്സിലാക്കുന്നതിനും  അങ്ങന  ഞങ്ങള്‍  ഇഹത്തില്‍  നിന്‍റെ  തിരുമനസ്സ്  നിറവേറ്റികൊണ്ട്   സ്വര്‍ഗത്തില്‍  അവളോടൊത്ത്   നിത്യമായി  നിന്നെ  വാഴ്ത്തിസ്തുതിക്കുന്നതിനും  യോഗ്യരാകുന്നതിനും  വേണ്ട  അനുഗ്രഹം  ഞങ്ങള്‍ക്ക്  നല്കണമേ .

                                    ഓ ഈശോയെ ,ഈ  ലോകത്തില്‍  അങ്ങയെ  അധികമായി  സ്നേഹിക്കുകയും  സ്വര്‍ഗ്ഗത്തില്‍  അങ്ങയെ  ഏറ്റവും  ഗാഡമായി  സ്നേഹിച്ച് അങ്ങയോടൊത്തു  വാഴ്ത്തുകയും  ചെയുന്ന  പരി . അമ്മയുടെ  രക്തകണ്ണുനീരിനെ  നീ  കരുണയോടെ  വീക്ഷിക്കണമേ .( 1 പ്രാവശ്യം )

                                  സ്നേഹം നിറഞ്ഞ  ഈശോയെ ,അങ്ങയുടെ  പരി .അമ്മ  ചിന്തിയ  രക്തകണ്ണുനീരിനെകുറിച്ച്   എന്‍റെ  യാചനകള്‍  കേള്‍ക്കണമേ .

                                   അമ്മേ ,അമ്മയെ  വിളിച്ചപേക്ഷിക്കുന്ന  എല്ലാവരെയും  അമ്മയുടെ  വിമലഹൃദയത്തില്‍  ചേര്‍ത്തരുളണമേ .( 7 പ്രാവശ്യം )

                     ഓ  ഈശോയെ .......................(1 പ്രാവശ്യം )

                            ( 7 പ്രാവശ്യം  ചൊല്ലിയശേഷം )  ഓ  മറിയമേ ,വ്യാകുലവും  കരുണയും  സ്നേഹവും  നിറഞ്ഞ  അമ്മേ ,ഞങളുടെ  എളിയ  യാചനകളെ  അങ്ങയുടെ   പ്രാര്‍ത്ഥനയോട്  ചേര്‍ത്ത്  അങ്ങയുടെ  പ്രിയപുത്രനു  കാഴ്ചവയ്ക്കണമേ . അങ്ങ്  ഞങ്ങള്‍ക്കായി  ചിന്തിയ  രക്തകണ്ണുനീരിനെകുറിച്ച് ഈ (കാര്യം ) അങ്ങയുടെ  പ്രിയപുത്രനില്‍നിന്ന്  ലഭിച്ചുതരണമേ .ഞങ്ങളെല്ലാവരെയും  നിത്യഭാഗ്യത്തില്‍  ചേര്‍ക്കുകയും ചെയ്യേണമേ .ഓ  മറിയമേ ,അങ്ങയുടെ  രക്തകണ്ണുനീരാല്‍  പിശാചിന്‍റെ  ഭരണത്തെ  തകര്‍ക്കണമെന്നും , ഞങ്ങളെ പ്രതി  ബന്ധിതമായ  ഈശോയുടെ  തൃക്കരങ്ങളാല്‍  സകല തിന്മകളില്‍നിന്നും  ലോകത്തെ  കാത്തുരക്ഷിക്കണമെന്നും  ഞങ്ങള്‍  പ്രാര്‍ഥിക്കുന്നു .   ആമ്മേന്‍ .