SNEHAPRAKARANAM സ്നേഹപ്രകരണം

JESUS

            എന്‍റെ ദൈവമേ ,അങ്ങ് അനന്ത നന്മസ്വരൂപനും  പരമസ്നേഹയോഗ്യനുമാണ് .ആകയാല്‍ പൂര്‍ണ്ണ ഹൃദയത്തോടെ എല്ലാറ്റിനും ഉപരിയായി അങ്ങയെ ഞാന്‍ സ്നേഹിക്കുന്നു .അങ്ങയോടുള്ള സ്നേഹത്തെക്കുറിച്ച് മറ്റുള്ളവരെയും എന്നെപ്പോലെ ഞാന്‍ സ്നേഹിക്കുന്നു .എന്നെ ഉപദ്രവിച്ചിട്ടുള്ള എല്ലാവരോടും ഞാന്‍ ക്ഷമിക്കുന്നു .ഞാന്‍ ഉപദ്രവിച്ചിട്ടുള്ള എല്ലാവരോടും മാപ്പപേക്ഷിക്കുകയും ചെയ്യുന്നു .

KUDUMBA VISHUDHEEKARANATHINU PRARTHANA കുടുംബവിശുദ്ധീ കരണത്തിന് പ്രാര്‍ത്ഥന

   കുടുംബത്തെ സ്ഥാപിക്കുകയും കുടുംബ ജീവിതത്തെ അനുഗ്രഹിക്കുകയും ചെയ്ത പിതാവും പുത്രനും പരിശുദ്ധാത്മാവുമായ ദൈവമേ ,അങ്ങ് ഞങ്ങളുടെ മദ്ധ്യേ സന്നിഹിതനായിരിക്കുന്നുവെന്ന് ഞങ്ങള്‍ വിശ്വസിക്കുന്നു .അങ്ങയെ ഞങ്ങള്‍ ആരാധിക്കുന്നു .അങ്ങയെ ഞങ്ങള്‍ സ്നേഹിക്കുന്നു ഞങ്ങള്‍ക്കു നല്കിയിട്ടുള്ള ആത്മീകവും ശാരീരികവുമായ എല്ലാ അനുഗ്രങ്ങള്‍ക്കും ഞങ്ങള്‍ നന്ദി പറയുന്നു .ഞങ്ങള്‍ ചെയ്തു പോയിട്ടുള്ള  പാപങ്ങളെക്കുറിച്ചു ഞങ്ങള്‍ മനസ്തപിക്കുന്നു .അവയ്ക്ക്  ഞങ്ങള്‍ മാപ്പപേക്ഷിക്കുന്നു .ഞങ്ങളുടെ ഭവനത്തില്‍  അങ്ങു  വാസമുറപ്പിക്കണമേ  .ഞങ്ങളുടെ വിചാരങ്ങളും വാക്കുകളും പ്രവൃത്തികളും വ്യാപാരങ്ങളും അങ്ങ്    നിയന്ത്രിക്കണമേ വിശ്വാസത്തിലും വിശുദ്ധിയിലും ഞങ്ങളെ വളര്‍ത്തണമേ .പരസ്പര സ്നേഹവും ബഹുമാനവും ഞങ്ങള്‍ക്കു നല്കണമേ .ഭിന്നതയും കലഹവുമുണ്ടാകാതെ സമാധാനത്തിലും ഐക്യത്തിലും  ഞങ്ങളെ നയിക്കണമേ .

                                              ദൈവശുശ്രൂഷയ്ക്കും സഭാസേവനത്തിനുമായി ഞങ്ങളുടെ കുടുംബത്തില്‍  നിന്ന് പ്രേഷിതരെ വിളിക്കണമേ.രോഗികളെയും ആസന്ന മരണരേയും കാത്തു പരിപാലിക്കണമേ. പാപസാഹച്ചര്യത്തില്‍ നിന്നും അപകടങ്ങളില്‍ നിന്നും ഞങ്ങളെ ഓരോരുത്തരെയും   കാത്തു രക്ഷിക്കണമേ .ഞങ്ങളുടെ കുടുബത്തില്‍ നിന്നു മരിച്ചു പോയിട്ടുള്ളവര്‍ക്ക് സ്വര്‍ഗ്ഗ ഭാഗ്യം നല്കണമേ .ഞങ്ങളുടെ അയല്ക്കാരെയും ചാര്‍ചക്കാരെയും സമൃദ്ധമായി അനുഗ്രഹിക്കണമേ .ഞങ്ങളെല്ലാവരും അവസാനം അങ്ങയോടോന്നിച്ച്   സ്വര്‍ഗ്ഗഭാഗ്യം അനുഭവിക്കുവാന്‍ ഇടവരുത്തുകയും ചെയ്യണമേ .            ആമ്മേന്‍ .

KUNJUNGALE LABHIKKUVAN DHABHATHIKALUDE PRARTHANA കുഞ്ഞുങ്ങളെ ലഭിക്കുവാന്‍ ദബതികളുടെ പ്രാര്‍ത്ഥന

mother mary

സ്നേഹപിതാവായ ദൈവമേ ,ഞങ്ങളെ ദാബത്യ ജീവതത്തില്‍ പ്രവേശിപ്പിച്ച അങ്ങയോടു ഞങ്ങള്‍ നന്ദി പറയുന്നു .ഞങ്ങളുടെ അഭിലാഷങ്ങളും ആഗ്രഹങ്ങളും നന്നായി അറിയുന്ന കര്‍ത്താവേ അങ്ങേക്ക് ഇഷ്ടമാണെങ്കില്‍ ഞങ്ങള്‍ക്ക് ഒരു കുഞ്ഞിനെ നല്‍കി അനുഗ്രഹിക്കണമേ .പിത്രിത്വത്തിന്‍റെയും മാത്രിത്വത്തിന്‍റെയും നാഥനായ അങ്ങ്  ഞങ്ങളുടെ കുറ്റങ്ങളും പാപങ്ങളും പൊറുത്ത്  ഞങ്ങളെ ആശീര്‍വദിക്കണമേ. നിര്‍മ്മല കന്യകയായിരുന്ന മറിയത്തെ അത്ഭുതകരമാം വിധം മാതാവാക്കി ഉയര്‍ത്തിയ ദൈവമേ ,അബ്രഹാത്തെയും സാറായെയും ,വാര്‍ദ്ധക്യത്തില്‍ മാതാപിതാക്കളാക്കിയ പിതാവേ ,അങ്ങേക്കിഷ്ടമാണെങ്കില്‍ ഞങ്ങള്‍ക്കും മാതാപിതാക്കളാകുവാനുള്ള  അനുഗ്രഹം നല്കണമേ .ഒരു കുഞ്ഞിന്‍റെ നിര്‍മ്മലമായ സാന്നിദ്ധ്യത്താലും സ്നേഹത്താലും ഞങ്ങളുടെ ജീവിതത്തെ ധന്യമാക്കണമേ. അങ്ങനെ അങ്ങയുടെ സ്നേഹാമൃതം  ഈ ലോകത്തില്‍ അനുഭവിച്ചു ധന്യരാകുവാന്‍ ഞങ്ങളെ അനുവദിക്കുകയും ചെയ്യണമേ .   ആമ്മേന്‍ 

VISWASAPRAMANAM

വിശ്വാസപ്രമാണം

  സര്‍വ്വശക്തനായ പിതാവും ആകാശത്തിന്‍റെയും ഭൂമിയുടെയും സ്രഷ്ടാവുമായ ദൈവത്തില്‍ ഞാന്‍ വിശ്വസിക്കുന്നു .അവിടുത്തെ ഏകപുത്രനും ഞങ്ങളുടെ കര്‍ത്താവുമായ  ഈശോമിശിഹായിലും ഞാന്‍ വിശ്വസിക്കുന്നു .ഈ പുത്രന്‍ പരിശുദ്ധാത്മാവാല്‍ ഗര്‍ഭസ്ഥനായി  കന്യാമറിയത്തില്‍ നിന്നു പിറന്നു .പന്തിയോസ് പീലാത്തോസിന്‍റെ കാലത്ത്  പീഡകള്‍ സഹിച്ച്  ,കുരിശില്‍ തറയ്ക്കപ്പെട്ട്  ,മരിച്ച് അടക്കപ്പെട്ടു ;പാതാളത്തില്‍ ഇറങ്ങി ,മരിച്ചവരുടെ ഇടയില്‍നിന്നു മൂന്നാം നാള്‍ ഉയിര്‍ത്തു ;സ്വര്‍ഗ്ഗത്തിലെക്കെഴുന്നള്ളി ,സര്‍വ്വശക്തിയുള്ള പിതാവായ ദൈവത്തിന്‍റെ വലതു ഭാഗത്ത് ഇരിക്കുന്നു ;അവിടെനിന്ന്  ജീവിക്കുന്നവരെയും മരിച്ചവരെയും വിധിക്കാന്‍ വരുമെന്നും ഞാന്‍ വിശ്വസിക്കുന്നു .പരിശുദ്ധാത്മാവിലും ഞാന്‍ വിശ്വസിക്കുന്നു .വിശുദ്ധ കത്തോലിക്കാ സഭയിലും ,പുണ്യവാന്മാരുടെ ഐക്യത്തിലും ,പാപങ്ങളുടെ മോചനത്തിലും ,ശരീരത്തിന്‍റെ ഉയിര്‍പ്പിലും നിത്യമായ ജീവതത്തിലും ഞാന്‍ വിശ്വസിക്കുന്നു .  ആമ്മേന്‍ .

RATHRI JAPAM

Jesus

രാത്രിജപം

   പിതാവിന്‍റെയും പുത്രന്‍റെയും  പരിശുദ്ധാത്മാവിന്‍റെയും നാമത്തില്‍ ,ആമ്മേന്‍
 
   എന്‍റെ ദൈവമായ ഈശോമിശിഹായെ , ഈ ദിവസം അങ്ങ് എനിക്കു നല്‍കിയ  എല്ലാ അനുഗ്രഹങ്ങള്‍ക്കും ഞാന്‍ നന്ദി പറയുകയും അങ്ങയെ ആരാധിക്കുകയും ചെയ്യുന്നു .എന്‍റെ ഉറക്കവും ഈ രാത്രിയിലെ ഓരോ നിമിഷവും ഞാന്‍ അങ്ങേക്ക് കാഴ്ചവയ്ക്കുന്നു . പാപത്തില്‍ നിന്ന് എന്നെ കാത്തു സൂക്ഷിക്കണമെന്നപേക്ഷിക്കുന്നു .അങ്ങേ  തിരുഹൃദയത്തിലും എന്‍റെ അമ്മയായ കന്യാമാരിയത്തിന്‍റെ സംരക്ഷണയിലും ഞാന്‍ വസിക്കട്ടെ .അങ്ങേ പരിശുദ്ധ  മാലാഖമാര്‍ എന്നെ സഹായിക്കുകയും  സമാധാനത്തോടെ  സൂക്ഷിക്കുകയും ചെയട്ടെ .അങ്ങേ അനുഗ്രഹം എന്‍റെ മേല്‍ഉണ്ടാകുമാറാകട്ടെ .എന്‍റെ കര്‍ത്താവേ ഈ രാത്രിയില്‍ പാപം കൂടാതെ എന്നെ കാത്തുപരി പാലിക്കണമേ. എന്നെ കാക്കുന്ന  മാലാഖയേ, ദൈവത്തിന്‍റെ കൃപയാല്‍ അങ്ങേക്കെല്പിച്ചിരിക്കുന്ന എന്നെ ഈ രാത്രിയിലും കാത്തു സൂക്ഷിക്കണമേ .ആമ്മേന്‍ .    
                     
                           ഈശോമറിയം യൌസേപ്പേ എന്‍റെ ആത്മാവിനെയും ശരീരത്തെയും നിങ്ങള്‍ക്കു ഞാന്‍ കാഴ്ച വയ്ക്കുന്നു .


                          ഒരുക്കമില്ലാതെ പെട്ടെന്നുള്ള മരണത്തില്‍ നിന്ന് എന്നെ കാത്തു രക്ഷിക്കണമേ .  ആമ്മേന്‍

PRABHATHA PRARTHANA

പ്രഭാത പ്രാര്‍ത്ഥന

   പിതാവിന്‍റെയും പുത്രന്‍റെയും പരിശുദ്ധാത്മാവിന്‍റെയും നാമത്തില്‍ ,ആമ്മേന്‍
           
  ഞങ്ങളുടെ സൃഷ്ടാവും പിതാവുമായ  ദൈവമേ ,ഈ സുപ്രഭാതത്തില്‍ ഞങ്ങളങ്ങയെ ആരാധിക്കുകയും സ്തുതിക്കുകയും ചെയ്യുന്നു. പാപികളായ  ഞങ്ങളെ അന്ധകാരത്തില്‍ നിന്നും പ്രകാശത്തിലേക്ക് ആനയിച്ച  കര്‍ത്താവേ ,ഞങ്ങള്‍ അങ്ങയോട്  നന്ദി പറയുന്നു .ഇന്നത്തെ ഞങ്ങളുടെ എല്ലാ പ്രവൃത്തികളും ഞങ്ങള്‍ അങ്ങേക്കു കാഴ്ച വെയ്ക്കുന്നു .വിശ്വാസത്തോടും തീഷ്ണതയോടും കൂടി അങ്ങേക്കു വേണ്ടി ജോലി ചെയ്യുവാന്‍ ഞങ്ങളെ സഹായിക്കണമേ .ഇന്നത്തെ ഞങ്ങളുടെ എല്ലാ ഉദ്യമങ്ങളും വിജയിപ്പിക്കണമേ.ഞങ്ങളുടെ ചിന്തകളിലും പ്രവര്‍ത്തനങ്ങളിലും പ്രകാശം വീശി ഞങ്ങളെ നയിക്കുകയും എല്ലാവിധ ആപത്തുകളിലും അപകടങ്ങളിലും നിന്നു ഞങ്ങളെ കാത്തു കൊള്ളുകയും ചെയ്യണമേ .മിശിഹായില്‍ എല്ലാം നവീകരിക്കുവാനും അങ്ങയെ മഹത്ത്വ പ്പെടുത്തുവാനും ഞങ്ങളെ ശക്തരാക്കണമേ .അങ്ങയുടെ ത്രിത്വത്തിന്‍റെ നിഗൂഡമായ  ശക്തിയാല്‍ ദുഷ്ട  സൈന്യങ്ങളില്‍ നിന്നും ഞങ്ങളെ കാത്തു കൊള്ളണമേ .നിത്യ രാജ്യത്തിലേക്കുള്ള യാത്രയില്‍ തുണയും സങ്കേതവും നല്‍കി സ്നേഹപൂര്‍വ്വം ഞങ്ങളെ നയിക്കുകയും അങ്ങയുടെ പരിപാലനയുടെ തണലില്‍ ഇന്നേ ദിവസം ഞങ്ങളെ കാത്തു കൊള്ളുകയും ചെയ്യണമേ .പിതാവും പുത്രനും പരിശുദ്ധാത്മാവുമായ സര്‍വ്വേശ്വരാ ആമ്മേന്‍ .
                                                          ത്രിത്വസ്തുതി

                       

MANASTHAPAPRAKARANAM

മനസ്താപപ്രകരണം

 എന്‍റെ ദൈവമേ ,ഏറ്റം നല്ലവനും എല്ലാറ്റിനും ഉപരിയായി സ്നേഹിക്കപ്പെടുവാന്‍ യോഗ്യനുമായ അങ്ങേയ്ക്കെതിരായി പാപം ചെയ്തുപോയതിനാല്‍ പൂര്‍ണ്ണ ഹൃദയത്തോടെ ഞാന്‍ മനസ്തപിക്കുകയും പാപങ്ങളെ വെറുക്കുകയും ചെയ്യുന്നു . അങ്ങയെ ഞാന്‍ സ്നേഹിക്കുന്നു .എന്‍റെ പാപങ്ങളാല്‍ എന്‍റെ ആത്മാവിനെ അശുദ്ധമാക്കിയതിനാലും സ്വര്‍ഗ്ഗത്തെ നഷ്ടപ്പെടുത്തി നരകത്തിന് അര്‍ഹനായി തീര്‍ന്നതിനാലും ഞാന്‍ ഖേദിക്കുന്നു .അങ്ങയുടെ പ്രസാദവര സഹായത്താല്‍ പാപസാഹചര്യങ്ങളെ ഉപേക്ഷിക്കുമെന്നും മേലില്‍ പാപം ചെയ്യുകയില്ലെന്നും ദ്രിഡമായി ഞാന്‍ പ്രതിജ്ഞ ചെയുന്നു .ഏതെങ്കിലും ഒരു പാപം ചെയുക എന്നതിനേക്കാള്‍ മരിക്കാനും ഞാന്‍   സന്നദ്ധനായിരിക്കുന്നു .  ആമ്മേന്‍

THIRURAKTHAABISHEKA PRARTHANA

തിരുരക്താഭിഷേക പ്രാര്‍ത്ഥന

  ഓ യേശുവേ , ഞങ്ങളെ അങ്ങയുടെ തിരുരക്തം കൊണ്ടു പോതിയണമേ.

                      പാപത്തിന്‍റെ എല്ലാ കറകളെയും കഴുകിക്കളഞ്ഞ്അങ്ങയുടെ പരിസുദ്ധാത്മവിനാല്‍ ഞങ്ങളെ നവികരിക്കണമേ. ഓ ,യേശുവിന്‍റെ തിരുരക്തമേ ,ഞങ്ങള്‍ അങ്ങയെ  വണങ്ങുന്നു  .പരി.അമ്മയുടെ വിമലഹൃദയ ത്തിലൂടെ , ഞങ്ങളുടെ പാപങ്ങള്‍ക്ക്‌ മോചനവും പ്രാര്‍ത്ഥന കള്‍ക്ക്  ഉത്തരവും ഞങ്ങള്‍ യാചിക്കുന്നു .

  കര്‍ത്താവേ ,ഞങ്ങളുടെ പ്രാര്‍ത്ഥന കേള്‍ക്കണമേ .

                       കരുണയും ദയയും നിറഞ്ഞ പിതാവേ ,ഞങ്ങളുടെ പാപങ്ങള്‍ക്ക്‌ പരിഹാരമായി തിരുക്കുമാരന്‍റെ  ഈ പുണ്യ രക്തം അവിടുന്ന് സ്വീകരിച്ചാലും .ഈ തിരുനിണത്തില്‍ ഞങ്ങളുടെ പാപങ്ങള്‍ കഴുകിക്കളയുകയും ഞങ്ങളോട് കരുണ കാണിക്കുകയും ചെയണമേ

   കര്‍ത്താവേ ,ഞങ്ങളുടെ പ്രാര്‍ത്ഥന കേള്‍ക്കണമേ 

                       ലോകത്തിന്‍റെ പാപം പേറുന്ന കുഞ്ഞാടായ ക്രിസ്തുവിന്‍റെ രക്തത്താല്‍ പൊതിയപ്പെട്ട ഞങ്ങളുടെ ആത്മാക്കളെ അവിടുന്ന് തൃക്കണ്‍ പാര്‍ക്കണമേ .

 കര്‍ത്താവേ ,ഞങ്ങളുടെ പ്രാര്‍ത്ഥന കേള്‍ക്കണമേ 

                       ഓ നിത്യനായ പിതാവേ ..... അങ്ങയെ എന്നെന്നും സ്തുതിക്കുവാനായി ഞങ്ങളുടെ ആത്മാക്കളെ നാശത്തില്‍നിന്നും സംരക്ഷിക്കണമേ ,

  കര്‍ത്താവേ ,ഞങ്ങളുടെ പ്രാര്‍ത്ഥന കേള്‍ക്കണമേ 

ധ്യാന കേന്ദ്രങ്ങള്‍

പോട്ട ആശ്രമം 
    TEL :0480 -2709324

ഡിവൈന്‍ ധ്യാന കേന്ദ്രം 
   TEL :0480-2708413

നസറത്ത്കുടുംബ ധ്യാനകേന്ദ്രം   കറുകുറ്റി
    TEL : 0484 -2612108 

ജീവധാര ഫാമിലി റിനുവല്‍ സെന്‍റെര്‍ ,കുറ്റിക്കാട്  ,തൃശൂര്‍
   TEL :0480-2746028 ,

F.R.C കുഴിക്കാട്ടുശേരി , ചാലക്കുടി
   TEL :0480-2787024

ഗാഗുല്‍ത്താ ധ്യാന കേന്ദ്രം , കുറുമാല്‍, തൃശൂര്‍TE
  TEL 04885 -272743

ആവേ മരിയ ധ്യാന കേന്ദ്രം .എളനാട് ,തൃശൂര്‍
  TEL 9447418758, 9961348202

ആത്മ ജ്യോതി ധ്യാനകേന്ദ്രം ,പട്ടിക്കാട് ,തൃശൂര്‍
  TEL 0487-2282134,9447290177

കാര്‍മ്മല്‍ റിട്രീറ്റ് സെന്‍റെര്‍ ,മഞ്ഞുമ്മല്‍ ,എറണാകുളം
  TEL 9633939739

ദര്‍ശന ധ്യാന കേന്ദ്രം ,ഇല്ലിത്തോട്  ,മലയാറ്റൂര്‍ ,
  TEL- 0484-2468333,9961700996

 ജൂബിലി ധ്യാനകേന്ദ്രം ,ഇങ്ങാപുഴ ,താമരശ്ശേരി 

   TEL-0495-3272300,2561896

 സെഹിയോന്‍  ധ്യാനകേന്ദ്രം ,താവളം ,അട്ടപ്പാടി ,പാലക്കാട് 

  TEL 0091 4924253333, 2253647

  ലോഗോസ്‌  ധ്യാനകേന്ദ്രം ,ബാംഗ്ലുര്‍ 

   TEL 080-25451252,   25454748

   സ്രോതസ്സ്  ധ്യാനകേന്ദ്രം , മുപ്പിനി ,എടക്കര ,നിലമ്പൂര്‍ 

   TEL 04931-278956,  275241

 ഡിവൈന്‍  മേഴ്സി  ധ്യാനകേന്ദ്രം ,കുടുക്കചിറ ,പാലാ
  TEL 04822-241214

  സ്നേഹസദന്‍  ലഹരി ചികിത്സ  ധ്യാനകേന്ദ്രം ,എല്ലക്കല്‍ ,ഇടുക്കി 

  TEL 04865-265236

 വിമലഹൃദയ  ധ്യാനകേന്ദ്രം ,കമ്പിവിള ,കൊട്ടിയം ,കൊല്ലം
 TEL 0474-2534376,  3299773

B.L.M  ആളൂര്‍ ,ഇരിഞ്ഞാലക്കുട ,തൃശൂര്‍
TEL 9446723143 ,  9020373638

S.V.D  പ്രാര്‍ത്ഥന നികേതന്‍ ,കടുത്തുരുത്തി ,കോട്ടയം
TEL 04829-282294

കൃപാസനം  ധ്യാനകേന്ദ്രം , കലവൂര്‍ ,ആലപ്പുഴ 

TEL 0478-2860595,  9447285400

നിര്‍മ്മല്‍ഗ്രാം ,ഭൂതത്താന്‍കെട്ട് , കോതമംഗലം
TEL 0485-2570187

MCBS  ദിവ്യകാരുണ്യ  ധ്യാനകേന്ദ്രം ,താന്നിപ്പുഴ ,കാലടി
TEL 0484-2462016

അസ്സീസി  ഭവന്‍ ,പുത്തന്‍വേലിക്കര
TEL 9446276294, 0484  2487007

സെന്‍റ്  നോബര്‍ട്ട്  ധ്യാനകേന്ദ്രം ,കല്ലംകുളം ,തൃശൂര്‍
TEL   9447381301, 04884225793

കൃപാലയ  ധ്യാനകേന്ദ്രം ,ചെറുപുഴ
TEL  9495364240,  04985- 240534

ജീവജ്യോതി , മുവാറ്റൂപുഴ
TEL 0485-2832534

കാരിസ്ഭവന്‍  ധ്യാനകേന്ദ്രം ,അതിരമ്പുഴ ,കോട്ടയം
TEL 0481-2731911, 2731912

പരിത്രാണ  ധ്യാനകേന്ദ്രം ,അടിച്ചിറ ,കോട്ടയം
TEL 0481 -2791635

വിന്‍സെന്‍ഷ്യന്‍  ആശ്രമം ,തോട്ടകം ,വൈക്കം
TEL 04829-229300,  9961165991

മോറിയ  ധ്യാനകേന്ദ്രം ,പുത്തൂര്‍ ,കര്‍ണ്ണാടക
TEL 08251256025

ചാവറ  റിന്യൂവല്‍  സെന്‍റര്‍ ,ഉപ്പുതറ ,കട്ടപ്പന
TEL 8547550368, 94964564

വിമലഗിരി  ധ്യാനകേന്ദ്രം ,പട്ടാരം ,ഇരിട്ടി
TEL 9745017131, 0490-2493491

കൃപാലയം  ധ്യാനകേന്ദ്രം ,കാക്കയംച്ചാല്‍ ,ചെറുപുഴ
TEL 04985 240534, 949536424

കാര്‍മ്മല്‍  റിട്രീറ്റ്  സെന്‍റര്‍ ,മഞ്ഞുമ്മല്‍ ,ഏറണാകുളം
TEL 9633939739

ദര്‍ശന  ധ്യാനകേന്ദ്രം ,ഇല്ലിത്തോട് ,മലയാറ്റൂര്‍
TEL 0484-2468333, 9961700996

മൌണ്ട്  കാര്‍മ്മല്‍  ധ്യാനകേന്ദ്രം ,പേരാവൂര്‍ ,ഇരിട്ടി
TEL 9447359862,  9656009955

JAPAMALA ജപമാല

അളവില്ലാത്ത സകല നന്മ സ്വരൂപിയായിരിക്കുന്ന സർവ്വേശ്വര ,കർത്താവേ ,നീചരും നന്ദിയില്ലാത്ത പാപികളുമായിരിക്കുന്ന ഞങ്ങൾ അതിരില്ലാത്ത മഹിമ പ്രതാപത്തോടുകൂടിയിരിക്കുന്ന അങ്ങേ സന്നിധിയിൽ ജപം ചെയ്യുവാൻ  യോഗ്യതയില്ലത്തവരായിരിക്കുന്നു വെങ്കിലും നിന്‍റെ അതിരില്ലാത്ത ദയയിൽ  ശരണപ്പെട്ടു കൊണ്ട് പരിശുദ്ധ ദൈവമാതാവിന് സ്തുതിയായിട്ട് അബത്തിമൂന്നു
മണി ജപം ചെയ്യുവാൻ  ആഗ്രഹിക്കുന്നു .ഈ ജപം ഭക്തിയോടെ ചെയ്ത് പലവിചാരം കൂടാതെ തികപ്പാൻ  കർത്താവേ നീ സഹായിക്കണമേ .


വിശ്വാസപ്രമാണം 

    

  സര്‍വ്വശക്തനായ പിതാവും ആകാശത്തിന്‍റെയും ഭൂമിയുടെയും സ്രഷ്ടാവുമായ ദൈവത്തില്‍ ഞാന്‍ വിശ്വസിക്കുന്നു .അവിടുത്തെ ഏകപുത്രനും ഞങ്ങളുടെ കര്‍ത്താവുമായ  ഈശോമിശിഹായിലും ഞാന്‍ വിശ്വസിക്കുന്നു .ഈ പുത്രന്‍ പരിശുദ്ധാത്മാവാല്‍ ഗര്‍ഭസ്ഥനായി  കന്യാമറിയത്തില്‍ നിന്നു പിറന്നു .പന്തിയോസ് പീലാത്തോസിന്‍റെ കാലത്ത്  പീഡകള്‍ സഹിച്ച്  ,കുരിശില്‍ തറയ്ക്കപ്പെട്ട്  ,മരിച്ച് അടക്കപ്പെട്ടു ;പാതാളത്തില്‍ ഇറങ്ങി ,മരിച്ചവരുടെ ഇടയില്‍നിന്നു മൂന്നാം നാള്‍ ഉയിര്‍ത്തു ;സ്വര്‍ഗ്ഗത്തിലെക്കെഴുന്നള്ളി ,സര്‍വ്വശക്തിയുള്ള പിതാവായ ദൈവത്തിന്‍റെ വലതു ഭാഗത്ത് ഇരിക്കുന്നു ;അവിടെനിന്ന്  ജീവിക്കുന്നവരെയും മരിച്ചവരെയും വിധിക്കാന്‍ വരുമെന്നും ഞാന്‍ വിശ്വസിക്കുന്നു .പരിശുദ്ധാത്മാവിലും ഞാന്‍ വിശ്വസിക്കുന്നു .വിശുദ്ധ കത്തോലിക്കാ സഭയിലും ,പുണ്യവാന്മാരുടെ ഐക്യത്തിലും ,പാപങ്ങളുടെ മോചനത്തിലും ,ശരീരത്തിന്‍റെ ഉയിര്‍പ്പിലും നിത്യമായ ജീവതത്തിലും ഞാന്‍ വിശ്വസിക്കുന്നു .  ആമ്മേന്‍ .             1  സ്വർഗ്ഗ

പിതാവായ ദൈവത്തിന്‍റെ മകളായിരിക്കുന്ന പരിശുദ്ധ ദൈവമാതാവേ ഞങ്ങളിൽ ദൈവവിശ്വാസമെന്ന പുണ്യം ഫലവത്തായി ത്തീരുന്നതിന് അങ്ങേ തിരുക്കുമാരനോട് അപേക്ഷിക്കണമേ
                                                                                                            1 നന്മ
പുത്രാനായ ദൈവത്തിന്‍റെ മാതാവായിരിക്കുന്ന പരിശുദ്ധ ദൈവമാതാവേ, ഞങ്ങൾ ദൈവസരണമെന്ന   പുണ്യത്തിൽ  വളരുവാനായി അങ്ങേ തിരുക്കുമാരനോട് അപേക്ഷിക്കണമേ
                                                                                                             1 നന്മ
പരിസുദ്ധാതമാവായ ദൈവത്തിന്‍റെ എത്രയും പ്രിയമുള്ള വളായിരിക്കുന്ന പരിശുദ്ധ ദൈവമാതാവേ ,ഞങ്ങളിൽ  ദൈവ സ്നേഹമെന്ന പുണ്യം വർദ്ധിപ്പാനായിട്ട് അങ്ങേ തിരുക്കുമാരനോട് അപേക്ഷിക്കണമേ
                                                                                                             1 നന്മ . 1 ത്രി

                                          സന്തോഷ  രഹസ്യങ്ങൾ   (തിങ്കൾ ,ശനി )

     1 .ദൈവപുത്രനായ  ഈശോമിശിഹായെ ഗർഭംധരിച്ചു  പ്രസവിക്കുമെന്ന മംഗള വാർത്ത ഗബ്രിയേൽ മാലാഖ പരി.കന്യകാ മറിയത്തെ അറിയിച്ചു  എന്നതിമേൽ  നമുക്ക് ധ്യാനിക്കാം /.........
       മാതാവേ ,അങ്ങ് ദൈവതിരുമനസ്സിനു കീഴ്വഴങ്ങി യതുപോലെ , ഞങ്ങളും എല്ലാ കാര്യങ്ങളിലും ദൈവതിരുമനസ്സു നിറവേറ്റുവാൻ  സഹായിക്കണമേ .
                                                                                                     1 സ്വർഗ്ഗ . 10 നന്മ .1 ത്രി .
            ഓ ഈശോയെ, ഞങ്ങളുടെ പാപങ്ങൾ പൊറുക്കണമേ .നരകാഗ്നിയിൽ  നിന്ന് ഞങ്ങളെ  രക്ഷിക്കണമേ . എല്ലാ ആത്മവുകളെയും വിശിഷ്യാ അങ്ങേ കരുണ കൂടുതൽ  ആവശ്യമുള്ള ആത്മാക്കളേയും  സ്വർഗ്ഗത്തിലേക്ക് ആനയിക്കണമേ.


  2 .ഏലീശ്വാമ്മ ഗർഭണിയായ  വാർത്ത‍ കേട്ടപ്പോൾ  , പരിശുദ്ധ കന്യകാമറിയം അവരെ സന്ദർശിച്ച് അവർക്ക് മൂന്നുമാസം ശുശ്രുഷ ചെയ്തു എന്നതിന്മേൽ  നമുക്ക് ധ്യാനിക്കാം /..............
    മാതാവേ ,മറ്റുള്ളവരെ  സഹായിക്കുവാൻ ലഭിക്കുന്ന അവസരങ്ങൾ ഉപയോഗിക്കുവാൻ  ഞങ്ങളെ അനുഗ്രഹിക്കണമേ
                                                                                                 1 സ്വർഗ്ഗ . 10 നന്മ .1 ത്രി .
           ഓ ഈശോയെ ..........

  3 .പരിശുദ്ധ കന്യകാ മറിയം ,തന്‍റെ ദിവ്യകുമാരനെ ബെത് ലഹം നഗരിയിൽ ,കാലികളുടെ സങ്കെതമായിരുന്ന ഒരു ഗുഹയിൽ  പാതിരായ്ക്ക് പ്രസവിച്ച് ഒരു പുൽത്തൊട്ടിയിൽ  കിടത്തി എന്നതിന്മേൽ നമുക്ക് ധ്യാനിക്കാം /.....
   മാതാവേ സാബത്തിക ക്ലേശങ്ങളും സൗകര്യക്കുറവുകളും ഞങ്ങൾക്കനുഭവ പ്പെടുബോൾ  അവയെല്ലാം ക്ഷമയോടെ ദൈവകരങ്ങളിൽ നിന്നു സ്വീകരിക്കുവാൻ ഞങ്ങളെ സഹായിക്കണമേ .          
                                                                                                 1 സ്വർഗ്ഗ . 10 നന്മ .1 ത്രി .
 
  4 . പരിശുദ്ധ ദൈവമാതാവ്   നാല്പതാം ദിവസം ഉണ്ണിശോയെ ദേവാലയത്തിൽ ശിമയോന്‍റെ കരങ്ങളിൽ ദൈവത്തിന് സമർപ്പിച്ചു എന്നതിന്മേൽ നമുക്ക് ധ്യാനിക്കാം /............
   മാതാവേ ,ഞങ്ങൾക്കുളതെല്ലാം ദൈവത്തിൽനിന്നു ലഭിച്ച സൗജന്യ ദാനങ്ങളണെന്ന് മനസ്സിലാക്കി ,അവയെല്ലാം ദൈവത്തിന് സമർപ്പിച്ചു ജീവിക്കുവാൻ ഞങ്ങളെ സഹായിക്കണമേ
                                                                                            1 സ്വർഗ്ഗ . 10 നന്മ .1 ത്രി .


5 .പരിശുദ്ധ ദൈവമാതാവ്  തന്‍റെ ദിവ്യകുമാരനു പത്രണ്ട് വയസ്സു പ്രായമായിരുന്നപ്പോൾ ,അവിടുത്തെ കാണാതെ അന്വേഷിച്ചു മൂന്നാം ദിവസം ദേവാലയത്തിൽ കണ്ടെത്തി എന്നതിന്മേൽ നമുക്ക് ധ്യാനിക്ക്യാം /...........
  മാതാവേ ,ഈശോയിൽനിന്നു  ഞങ്ങളെ അകറ്റുന്ന എല്ലാം വർജ്ജിക്കുന്നത്തിനും ഈശോയിലെയ്ക്കടുക്കുവാൻ സഹായിക്കുന്ന എല്ലാം സ്വീകരിക്കുന്നതിനും ഞങ്ങളെ അനുഗ്രഹിക്കണമേ
                                                                                            1 സ്വർഗ്ഗ . 10 നന്മ .1 ത്രി

                                     ദു :ഖ  രഹസ്യങ്ങൾ   (ചൊവ്വ ,വെള്ളി )

  1.നമ്മുടെ  കർത്താവീശോമിശിഹാ  പൂങ്കാവനത്തിൽ  രക്തംവിയർത്തുവെന്ന      
ദു :ഖമായ  ദിവ്യരഹസ്യത്തെപറ്റി  നമുക്ക് ധ്യാനിക്കാം  /.................. വ്യാകുലമാതാവേ  ,മനുഷ്യരുടെ പാപങ്ങൾ  ഓർത്ത്  ദു :ഖിക്കുന്നതിനും  അവയ്ക്ക്  പരിഹാരം  ചെയുന്നതിനും  ഞങ്ങളെ  സഹായിക്കണമേ .
                                                                                             1 സ്വർഗ്ഗ .10 നന്മ .1 ത്രി

2. നമ്മുടെ  കർത്താവീശോമിശിഹാ  പീലാത്തോസിന്‍റെ  അരമനയിൽവച്ച്   ചമ്മട്ടികൊണ്ട്  അടിക്കപ്പെട്ടു  എന്നതിന്മേൽ  നമുക്ക്  ധ്യാനിക്കാം  /............ മാതാവേ ,നഗ്നമായ  വസ്ത്രധാരണവും ,നിർമ്മലമല്ലാത്ത  സുഖസൗകര്യങ്ങളും  ഞങ്ങളുടെ  കുടുംബത്തിൽ  കടന്നുപറ്റാതിരിക്കുവാൻ  ഞങ്ങളെ  സഹായിക്കണമേ .
                                                                                             1സ്വർഗ്ഗ .10നന്മ .1ത്രി

3. നമ്മുടെ  കർത്താവീശോമിശിഹായെ  പടയാളികൾ മുൾമുടി   ധരിപ്പിച്ചു  എന്നതിന്മേൽ  നമുക്ക്  ധ്യാനിക്കാം /............. മാതാവേ ,ഈശോയ്ക്കിഷ്ടമില്ലാത്ത
യാതൊന്നിനും  ഞങ്ങളുടെ  ഓർമ്മയിലും  ബുദ്ധിയിലും  മനസ്സിലും  പ്രവേശനം  നൽകാതിരിക്കുവാൻ  ഞങ്ങളെ  സഹായിക്കണമേ .
                                                                                              1സ്വർഗ്ഗ .10നന്മ .1ത്രീ

4. നമ്മുടെ  കർത്താവീശോമിശിഹാ  കുരിശു വഹിച്ച്‌  ഗാഗുൽത്താമലയിലേക്ക്  പോയി  എന്നതിന്മേൽ  നമുക്ക്  ധ്യാനിക്കാം /............ മാതാവേ  ,അപമാനങ്ങളും  സങ്കടങ്ങളും  ഞങ്ങൽക്കനുഭവപ്പെടുമ്പോൾ , ക്ഷമയോടെ  അവ  വഹിക്കുവാൻ  ഞങ്ങളെ  സഹായിക്കണമേ .
                                                                                               1സ്വർഗ്ഗ .10നന്മ .1 ത്രീ

5.നമ്മുടെ  കർത്താവീശോമിശിഹാ   രണ്ടുകള്ളന്മാരുടെ  മദ്ധ്യേ  കുരിശിന്മേൽ   തറയ്ക്കപ്പെട്ടു  എന്നതിന്മേൽ  നമുക്കു  ധ്യാനിക്കാം /................. മാതാവേ , ഞാൻ
ലോകത്തിനും  ലോകം  എനിക്കും  ക്രൂശിക്കപ്പെട്ടിരിക്കുന്നു  എന്ന  മനസ്ഥിതിയോടെ  ദുരാഗ്രഹങ്ങളെ  ക്രൂശിച്ചു   ജീവിക്കുവാൻ  ഞങ്ങളെ  സഹായിക്കണമേ .
                                                                                                   1സ്വർഗ്ഗ .10നന്മ .1 ത്രി


                           
                                        മഹത്വ രഹസ്യങ്ങള്‍      ( ബുധൻ ,ഞായർ  )


1.നമ്മുടെ  കർത്താവീശോമിശിഹാ  മരിച്ചു  മൂന്നാംദിവസം  ഉത്ഥാനം  ചെയ്തു  എന്നതിന്മേൽ  നമുക്ക്  ധ്യാനിക്കാം /............ മാതാവേ , ഒരിക്കൽ  ഉത്ഥാനം  ചെയാനുള്ള  ഞങ്ങളുടെ  ശരീരങ്ങളെ  നിർമ്മലമായി  സൂക്ഷിക്കുവാൻ  ഞങ്ങളെ  സഹായിക്കണമേ .
     1                                                                                              1സ്വർഗ്ഗ .10നന്മ .1ത്രി

2.നമ്മുടെ  കർത്താവീശോമിശിഹാ  ഉയർപ്പിനുശേഷം  40-)0  ദിവസം  സ്വർഗാരോഹണം  ചെയ്തു  എന്നതിന്മേൽ  നമുക്ക്  ധ്യാനിക്കാം /............ മാതാവേ ,സ്വർഗ്ഗപിതാവിന്‍റെപക്കൽ  ഞങ്ങൾക്കൊരു  മദ്ധ്യസ്ഥനുണ്ട്  എന്ന  ബോധത്തോടെ ഉൽകണ്0കൂടാതെ  ജീവിക്കുവാൻ  ഞങ്ങളെ  പഠിപ്പിക്കണമേ .
                                                                                                     1സ്വർഗ്ഗ .10നന്മ .1ത്രി

3. പെന്തക്കുസ്ത  തിരുനാൾ  ദിവസം  പരി . കന്യകാമറിയവും  ശ്ലീഹന്മാരും  പരിശുദ്ധാത്മാവിനെ  സ്വീകരിച്ചു  എന്നതിന്മേൽ  നമുക്ക്  ധ്യാനിക്കാം /........ മാതാവേ ,ഞങ്ങളുടെ ആത്മാവുകളിൽ  പ്രസാദവരംവഴി  എഴുന്നള്ളിയിരിക്കുന്ന   പരിശുദ്ധാത്മാവിന്‍റെ  സാന്നിധ്യം  ഓർമ്മിച്ചുകൊണ്ട് ,ഞങ്ങളുടെ  ജീവിതം  നിയന്ത്രിക്കുവാൻ ഞങ്ങളെ  സഹായിക്കണമേ .              
                                                                                                    1സ്വർഗ്ഗ .10നന്മ .1ത്രി

4.പരിശുദ്ധ  കന്യകാമറിയം   തന്‍റെ   ഈലോകജീവിതം  അവസാനിച്ചപ്പോൾ   സ്വർഗാരോപിതയായി  എന്നതിന്മേൽ  നമുക്ക്  ധ്യാനിക്കാം /.......... മാതാവേ , ഞങ്ങളുടെ   മരണ   സമയത്ത്  ഞങ്ങളെ  സ്വർഗ്ഗത്തിലേക്ക്  കൊണ്ടുപോകുവാൻ  ഞങ്ങളുടെ  സമീപത്തുണ്ടായിരിക്കണമേ .
                                                                                                   1സ്വർഗ്ഗ .10നന്മ .1ത്രി

5.പരിശുദ്ധ  കന്യകാമറിയം  സ്വർഗ്ഗഭൂലോകങ്ങളുടെ  രാജ്ഞിയായി  ഉയർത്തപ്പെട്ടു  എന്നതിന്മേൽ  നമുക്ക്  ധ്യാനിക്കാം /......മാതാവേ , സ്വർഗ്ഗ ഭാഗ്യത്തെ  മുന്നിൽകണ്ടുകൊണ്ട്, ഈലോകജീവിതത്തിലെ  കുരിശുകൾ   സന്തോഷത്തോടെ  സ്വീകരിക്കുവാൻ ഞങ്ങളെ  സഹായിക്കണമേ .
                                                                                                   1സ്വർഗ്ഗ .10നന്മ .1ത്രി



                                      പ്രകാശ   രഹസ്യങ്ങൾ    (വ്യാഴാഴ്ചകളിൽ  )


1.നമ്മുടെ കർത്താവീശോമിശിഹാ  യോർദ്ദാൻ  നദിയിൽവച്ച്  സ്നാപകയോഹന്നാനിൽനിന്നും   ജ്ഞാനസ്നാനം  സ്വീകരിച്ചപ്പോൾ   പരിശുദ്ധാത്മാവ്  മാടപ്രാവിന്‍റെ  രൂപത്തിൽ സ്വർഗ്ഗത്തിൽ  നിന്നും  തന്നിലേക്ക്  ഇറങ്ങിവന്നതിനെയോർത്ത്  ധ്യാനിക്കാം /.............മാതാവേ ,അമ്മയുടെ മാദ്ധ്യസ്ഥം  വഴി  പരിശുദ്ധാത്മാവ്  ഞങ്ങളിൽവന്ന്  നിറയണമേ .
                                                                                                     1സ്വർഗ്ഗ .10നന്മ .1ത്രി

2.യേശുനാഥൻ  അവിടുത്തെ അമ്മയായ  പരി .മറിയത്തിന്‍റെ  ആഗ്രഹപ്രകാരം
 കാനായിലെ  വിവാഹവിരുന്നിൽവെച്ച്  പച്ചവെള്ളത്തെ  വീഞ്ഞാക്കി മാറ്റിയ  ആദ്യ  അത്ഭുതത്തെയോർത്ത്‌  ധ്യാനിക്കാം /............മാതാവേ ,ഞങ്ങളുടെ  എല്ലാ വിഷമസന്ധികളിലും ഞങ്ങൾക്കുവേണ്ടി  അവിടുത്തെ  തിരുകുമാരനായ  യേശുവിനോട്  മാദ്ധ്യസ്ഥം  അപേക്ഷിക്കണമേ .
                                                                                                        1സ്വർഗ്ഗ .10നന്മ .1ത്രി

3.യേശുനാഥൻ  അവിടുത്തെ  മലയിലെ പ്രസംഗത്തിൽക്കൂടി  സ്വർഗീയപിതാവിന്‍റെ  സനാതന   തത്വങ്ങൾ  ലോകത്തിന്  വെളിപ്പെടുത്തിയതിനെ യോർത്ത്   ധ്യാനിക്കാം /............മാതാവേ , ദൈവവചനം  ഞങ്ങളുടെ  ഹൃദയത്തിൽ  സംഗ്രഹിച്ച്  വചനാത്മകമായി  ജീവിക്കുവാൻ  ഞങ്ങളെ  സഹായിക്കണമേ .
                                                                                                        1സ്വർഗ്ഗ .10നന്മ .1ത്രി

4. കർത്താവായ  യേശു  താബോർ  മലയിൽ  പ്രാർത്ഥിച്ചുകൊണ്ടിരിക്കുമ്പോൾ   അരുമശിഷ്യർക്കു  തന്‍റെ  രൂപാന്തരീകരണത്തിൽകൂടി  സ്വർഗ്ഗീയ  മഹത്വം  വെളിപ്പെടുത്തിക്കൊടുത്തതിനെയോർത്ത്  ധ്യാനിക്കാം /.......മാതാവേ , ഞങ്ങളുടെ  ജീവിതത്തിൽ  യേശുഅനുഭവമുണ്ടാകുവാൻ ഞങ്ങളെ  ശക്തരാക്കണമേ .
                                                                                                         1സ്വർഗ്ഗ .10നന്മ .1ത്രി

5. യേശു  തന്‍റെ  അന്ത്യഅത്താഴവേളയിൽ   വി . കുർബാന  സ്ഥാപിച്ച്‌  അപ്പവും  വീഞ്ഞും  കയ്യിലെടുത്ത് , തന്‍റെ  ശരീരരക്തങ്ങളാക്കിമാറ്റി , തന്‍റെ  നിത്യമായ  സാന്നിദ്ധ്യം  ലോകത്തിന്   നൽകിയതിനെയോർത്ത്  ധ്യാനിക്കാം /......മാതാവേ , യേശുവിനെ  അമ്മ  ലോകത്തിന്  പ്രദാനം  ചെയ്തതുപോലെ  ഞങ്ങളുടെ  ജീവിതംവഴി  യേശുവിനെ  മറ്റുള്ളവർക്ക്  നല്‍കുവാൻ ഞങ്ങളെ  പഠിപ്പിക്കണമേ .
                                                                                                          1സ്വർഗ്ഗ .10നന്മ .1ത്രി




                                         ജപമാല  സമർപ്പണം      


                            മുഖ്യദൂതനായ  വിശുദ്ധ  മിഖായേലെ ,ദൈവ ദൂതന്മാരായ  വിശുദ്ധ ഗബ്രിയേലെ ,വിശുദ്ധ  റപ്പായലേ ,മഹാത്മാവായ വിശുദ്ധ  ഔസേപ്പേ , ശ്ലീഹന്മാരായ  വിശുദ്ധ  പത്രോസേ ,മാർ  പൗലോസെ  ,മാർ  യോഹന്നാനെ, ഞങ്ങളുടെ  പിതാവായ  മാർതോമ്മാ ,ഞങ്ങൾ  വലിയ  പാപികളായിരിക്കുന്നുവെങ്കിലും  ഞങ്ങൾ  ജപിച്ച  ഈ  പ്രാർത്ഥന  നിങ്ങളുടെ  കീർത്തനങ്ങളോട്  കൂടെ  ഒന്നായി  ചേർത്തു  പരിശുദ്ധ  ദൈവമാതാവിന്‍റെ  തൃപ്പാദത്തിങ്കൽ   കാഴ്ചവെയ്ക്കുവാൻ   നിങ്ങളോടു  ഞങ്ങൾ  പ്രാർത്ഥിക്കുന്നു .

                                       മാതാവിന്‍റെ ലുത്തിനിയ

കര്‍ത്താവേ,അനുഗ്രഹിക്കണമേ 

കര്‍ത്താവേ,അനുഗ്രഹിക്കണമേ

മിശിഹായെ,അനുഗ്രഹിക്കണമേ 

മിശിഹായെ,അനുഗ്രഹിക്കണമേ

കര്‍ത്താവേ,അനുഗ്രഹിക്കണമേ 

കര്‍ത്താവേ,അനുഗ്രഹിക്കണമേ 

മിശിഹായെ,ഞങ്ങളുടെ പ്രാര്‍ത്ഥന കേള്‍ക്കേണമേ 

മിശിഹായെ,ഞങ്ങളുടെ പ്രാര്‍ത്ഥന കേള്‍ക്കേണമേ

സ്വര്‍ഗ്ഗസ്ഥനായ പിതാവായ ദൈവമേ           ഞങ്ങളെ അനുഗ്രഹിക്കണമേ 

ഭൂലോക രക്ഷകനായ പുത്രനായ ദൈവമേ               "                " 

പരിശുദ്ധാത്മാവായ ദൈവമേ                                       "                "

ഏകദൈവമായ പരിശുദ്ധത്രിത്വമേ                              "                "

പരിശുദ്ധ മറിയമേ                                      ഞങ്ങള്‍ക്കുവേണ്ടി അപേക്ഷിക്കണമേ 

ദൈവത്തിന്‍റെ പരിശുദ്ധ ജനനീ                                         "                             "

കന്യകള്‍ക്കു മകുടമായ നിര്‍മല കന്യകേ                    "                             "

മിശിഹായുടെ മാതാവേ                                                     "                             "

ദൈവവരപ്രസാദത്തിന്‍റെ മാതാവേ                              "                             "

ഏറ്റം നിര്‍മ്മലയായ മാതാവേ                                         "                             "

അത്യന്തവിരക്തയായ മാതാവേ                                     "                             "

കളങ്കമറ്റ കന്യകയായ മാതാവേ                                      "                             "

കന്യാത്വത്തിനു ഭംഗംവരാത്ത മാതാവേ                     "                             "

സ്നേഹത്തിന് ഏറ്റം യോഗ്യയായ മാതാവേ             "                             "

അത്ഭുതത്തിന് വിഷയമായ മാതാവേ                          "                              "

സദുപദേശത്തിന്‍റെ മാതാവേ                                            "                              "

സ്രഷ്ടാവിന്‍റെ മാതാവേ                                                        "                              "

രക്ഷകന്‍റെ മാതാവേ                                                              "                              "

ഏറ്റം വിവേകമതിയായ കന്യകേ                                  "                              "

വണക്കത്തിന് ഏറ്റം യോഗ്യയായ കന്യകേ                "                              "

സ്തുതിക്കു യോഗ്യയായ കന്യകേ                                  "                              "

മഹാ വല്ലഭയായ കന്യകേ                                                 "                              "

കനിവുള്ള കന്യകേ                                                               "                              "

ഏറ്റം വിശ്വസ്തയായ കന്യകേ                                        "                              "

നീതിയുടെ ദര്‍പ്പണമേ                                                           "                              "

ദിവ്യജ്ഞാനത്തിന്‍റെ സിംഹാസനമേ                            "                              "

ഞങ്ങളുടെ സന്തോഷത്തിന്‍റെ കാരണമേ                     "                              "

ആത്മജ്ഞാനപൂരിത പാത്രമേ                                         "                              "

ബഹുമാനത്തിന്‍റെ പാത്രമേ                                             "                               "

അത്ഭുതകരമായ ഭക്തിയുടെ പാത്രമേ                        "                               "

ദിവ്യരഹസ്യം നിറഞ്ഞിരിക്കുന്ന റോസപുഷ്പമേ  "                              "

ദാവീദിന്‍റെ കോട്ടയേ                                                            "                               "

നിര്‍മ്മല ദന്തം കൊണ്ടുള്ള കോട്ടയേ                             "                               "

സ്വര്‍ണാലയമേ                                                                      "                               "

വാഗ്ദാനത്തിന്‍റെ പെടകമേ                                            "                               "

സ്വര്‍ഗത്തിന്‍റെ വാതിലേ                                                   "                               " 

ഉഷ:കാല നക്ഷത്രമേ                                                            "                               "

രോഗികളുടെ ആരോഗ്യമേ                                             "                               "

പാപികളുടെ സങ്കേതമേ                                                   "                               "
പീഡിതരുടെ ആശ്വാസമേ                                                 "                               "

ക്രിസ്ത്യാനികളുടെ സഹായമേ                                    "                               "

മാലാഖമാരുടെ രാജ്ഞി                                                    "                               "

പൂര്‍വ്വപിതാക്കന്മാരുടെ രാജ്ഞി                                 "                               "

ദീര്‍ഘദര്‍ശികളുടെ രാജ്ഞി                                             "                               "
ശ്ലീഹന്മാരുടെ രാജ്ഞി                                                        "                               "
വേദസാക്ഷികളുടെ രാജ്ഞി                                            "                               "
കന്യകളുടെ രാജ്ഞി                                                           "                                "
സകല വിശുദ്ധരുടേയും രാജ്ഞി                                   "                               "
അമലോത്ഭാവയായ രാജ്ഞി                                         "                               "
സ്വര്‍ഗ്ഗാരോപിത രാജ്ഞി                                                 "                               "
പരിശുദ്ധ ജപമാലയുടെ രാജ്ഞി                                   "                               "
കര്‍മ്മലസഭയുടെ അലങ്കാരമായ രാജ്ഞി                 "                               "
സമാധാനത്തിന്‍റെ രാജ്ഞി                                                "                               "

ലോകത്തിന്‍റെ പാപങ്ങള്‍ നീക്കുന്ന ദിവ്യകുഞ്ഞാടേ 
കര്‍ത്താവേ,ഞങ്ങളുടെ പാപങ്ങള്‍ ക്ഷമിക്കണമേ 
ലോകത്തിന്‍റെ പാപങ്ങള്‍ നീക്കുന്ന ദിവ്യകുഞ്ഞാടേ
കര്‍ത്താവേ,ഞങ്ങളുടെ പ്രാര്‍ത്ഥന കേള്‍കേണമേ 
ലോകത്തിന്‍റെ പാപങ്ങള്‍ നീക്കുന്ന ദിവ്യകുഞ്ഞാടേ
കര്‍ത്താവേ,ഞങ്ങളെ അനുഗ്രഹിക്കണമേ 

                                സര്‍വ്വേശ്വരന്‍റെ പുണ്യപൂര്‍ണ്ണമായ മാതാവേ,ഇതാ,ഞങ്ങള്‍ നിന്നില്‍ അഭയം തേടുന്നു .ഞങ്ങളുടെ ആവശ്യനേരത്ത് ഞങ്ങളുടെ അപേക്ഷകള്‍ ഉപേക്ഷിക്കരുതേ.ഭാഗ്യവതിയും അനുഗ്രഹീതയുമായ കന്യാമാതാവേ,സകല ആപത്തുകളില്‍നിന്നും എപ്പോഴും ഞങ്ങളെ കാത്തുകൊള്ളണമേ .
       
                                ഈശോമിശിഹായുടെ വാഗ്ദാനങ്ങള്‍ക്കു ഞങ്ങള്‍ യോഗ്യരാകുവാന്‍ .

                                സര്‍വ്വേശ്വരന്‍റെ പശുദ്ധ മാതാവേ,ഞങ്ങള്‍ക്കുവേണ്ടി അപേക്ഷിക്കണമേ.

               

                                             പ്രാര്‍ത്ഥിക്കാം 

        

                                 കര്‍ത്താവേ,പൂര്‍ണ്ണമനസ്സോടുകൂടി  സാഷ്ടാംഗം വീണുകിടക്കുന്ന ഈ കുടുംബത്തെ തരിക്കണ്‍ പാര്‍ത്തു നിത്യകന്യകയായ പരിശുദ്ധ മറിയത്തിന്‍റെ അപേക്ഷയാല്‍ സകല ശത്രുകളുടേയും ഉപദ്രവങ്ങളില്‍ നിന്നു രക്ഷിച്ചുകൊള്ളണമേ 

ഈ അപേക്ഷകളോക്കെയും ഞങ്ങളുടെ കര്‍ത്താവീശോമിശിഹായുടെ യോഗ്യതകളെക്കുറിച്ചു ഞങ്ങള്‍ക്കു തരേണമേ .      ആമ്മേന്‍ 

              പരിശുദ്ധ രാജ്ഞീ ................

              ഈശോമിശിഹായുടെ വാഗ്ദാനങ്ങള്‍ക്കു ഞങ്ങള്‍ യോഗ്യരാക്കുവാന്‍ 

              സര്‍വ്വേശ്വരന്‍റെ പരിശുദ്ധ മാതാവേ,ഞങ്ങള്‍ക്കുവേണ്ടി അപേക്ഷിക്കണമേ .

                                                പ്രാര്‍ത്ഥിക്കാം 

               

                                സര്‍വ്വശക്തനും നിത്യനുമായ സര്‍വ്വേശ്വരാ,ഭാഗ്യവതിയായ മറിയത്തിന്‍റെ ആത്മാവും ശരീരവും പരിശുദ്ധാത്മാവിന്‍റെ അനുഗ്രഹത്താല്‍ അങ്ങേ ദിവ്യപുത്രനുയോഗ്യമായ പീഠമായിരിപ്പാന്‍ ആദിയില്‍ അങ്ങു നിശ്ചയിച്ചുവല്ലോ ഈ ദിവ്യമാതാവിനെ നിനച്ചു സന്തോഷിക്കുന്ന ഞങ്ങള്‍ അവളുടെ ശക്തിയുള്ള അപേക്ഷകളാല്‍ ഈ ലോകത്തിലുള്ള സകല ആപത്തുകളിലും നിത്യമരണത്തിലും നിന്നു രക്ഷിക്കപെടുവാന്‍ കൃപചെയ്യണമേ.ഈ അപേക്ഷകളൊക്കെയും ഞങ്ങളുടെ കര്‍ത്താവീശോ മിശിഹായുടെ യോഗ്യതകളെക്കുറിച്ചു ഞങ്ങള്‍ക്കു തരേണമേ  ആമ്മേന്‍ 

                

         

DAIVAVACHANAM

Holy Bible

 ദൈവവചനങ്ങൾ 

 "കര്‍ത്താവായ യേശുവിൽ  വിശ്വസിക്കുക ; എന്നാൽ  നീയും നിന്‍റെ കുടുംബവും  രക്ഷപ്രാപിക്കും "     (അ.പ്രവ .16  :31 )


   "ആകയാൽ  യേശു കർത്താവാകുന്നു എന്ന് നിന്‍റെ അധരങ്ങൾ  കൊണ്ട് ഏറ്റുപറയുകയും ദൈവം അവനെ മരിച്ചവരിൽ  നിന്ന് ഉയിർപ്പിച്ചു എന്ന് ഹൃദയത്തിൽ  വിശ്വസിക്കുകയും ചെയ്താൽ  നീ രക്ഷപ്രാപിക്കും "    (റോമ .10 :9 )


"അവസാനം വരെ സഹിച്ചു നിൽക്കുന്നവർ രക്ഷപ്രാപിക്കും "                            (മാർക്കോ :13 :13 )


"നമുക്കു വെളിപ്പെടാനിരിക്കുന്ന മഹത്വത്തോട് തുലനം ചെയുമ്പോൾ  ഇന്നത്തെ കഷ്ടതകൾ  നിസ്സാരമാണെന്ന്ഞാൻ  കരുതുന്നു                (റോമ :8 :18 )




"നിങ്ങളുടെ ഭാരങ്ങളും ഉത്കണ്ടകളും അവനെ ഭരമേൽപ്പിക്കുക .കാരണം അവൻ  നിങ്ങളുടെ കാര്യത്തിൽ  ശ്രദ്ധാലുവാണ് ."           (1 പത്രോ 5 :7 )




"ചെറിയ അജഗണമേ ഭയപ്പെടേണ്ട ,നിങ്ങൾക്കു രാജ്യം തരാൻ  നിങ്ങളുടെ പിതാവ് ,പ്രസാദിച്ചിരിക്കുന്നു ."       (ലൂക്കാ  12 :23  )


"ഹൃദയം നുറുങ്ങിയവർക്ക് കർത്താവ് സമീപസ്ഥനാണ് .മനമുരുകിയവരെ അവിടുന്നു രക്ഷിക്കുന്നു ."        (സങ്കി : 34 :18 )

KUMBASARATHTHINULLA JAPAM

കുബസാരത്തിനുള്ള ജപം

                  സര്‍വ്വശ ക്തനായ ദൈവത്തോടും ,നിത്യകന്യകയായ പരിശുദ്ധ മറിയത്തോടും പ്രധാന മാലാഖ യായ വിശുദ്ധ മിഖയെലിനോടും ,വിശുദ്ധ സ്നാപക യോഹന്നാനോടും ശ്ലീഹന്മാരായ വിശുദ്ധ പത്രോസിനോടും ,വിശുദ്ധ പൌലോസിനോടും ,വിശുദ്ധ തോമായോടും ,സകല  വിശുദ്ധരോടും പിതാവേ അങ്ങയോടും ഞാന്‍ ഏറ്റു പറയുന്നു .വിചാരത്താലും ,വാക്കാലും ,പ്രവര്‍ത്തിയാലും ഞാന്‍ വളരെ പാപം ചെയ്തു പോയി ;എന്‍റെ പിഴ ;എന്‍റെ പിഴ എന്‍റെ വലിയ പിഴ .ആകയാല്‍ നിത്യ കന്യകയായ പരിശുദ്ധ മറിയത്തോടും പ്രധാന മാലാഖയായ വിശുദ്ധ മിഖായേലിനോടും വിശുദ്ധ സ്നാപക യോഹന്നാനോടും,ശ്ലീഹന്മാരായ വിശുദ്ധ പത്രോസിനോടും ,വിശുദ്ധ പൌലോസിനോടും ,വിശുദ്ധ തോമായോടും ,സകല വിശുദ്ധരോടും പിതാവേ അങ്ങയോടും നമ്മുടെ കര്‍ത്താവായ ദൈവത്തോട് എനിക്കു വേണ്ടി പ്രാര്‍ത്ഥിക്കണമേ എന്ന് ഞാന്‍ അപേക്ഷിക്കുന്നു .
                                                                                                            ആമ്മേന്‍ .